Prishtinë, 23 dhjetor 2011 – Nga bashkëpunimi i bankës TEB dhe kompanisë Kujtesa do të përfitojnë të gjithë konsumatorët e dy bizneseve, të cilët i përdorin shërbimet e Kompanisë Kujtesa, dhe kanë kartelën e Bankës TEB – Starcard.

TEB dhe Kujtesa e ofrojnë këtë mundësi për të ju lehtësuar klientëve pagesën e shërbimeve të Kompanisë Kujtesa, e që gjithashtu ata përfitojnë nga zbritja e çmimeve të shërbimeve të internetit dhe televizionit kabllor kualitativ që ofron Kujtesa.

Bashkëpunimi i Bankës TEB dhe Kompanisë Kujtesa, mundëson që klienti të paguaj me Starcard, deri në 12 këste, pa kamatë, për shërbimet dhe pakot që ofron Kujtesa.

“Tani klientët e Kujtesës mund të paguajnë për shërbimet me kartelë me këste pa aplikuar kamatë, duke e potencuar edhe më shumë fuqinë dhe mundësitë unike që i ofron kartela e jonë Starcard” ka thënë Kujtim Gazideda, Kryesues i Reklamimit dhe Komunikimit të Bankës TEB.

“Kompania Kujtesa, vazhdon të jetë në shërbim të plotë të të gjithë qytetarëve të Kosovës, duke iu mundësuar atyre që të kenë në dispozicion ofertat më të mira në treg, qoftë në rrjetin e internetit apo të televizioneve kabllore. Kësisoj, Kujtesa premton se do të vazhdoj të sjellë risi e befasi në fushat që mbulon edhe gjatë vitit të ardhshëm”, thotë Florent Perjuci, drejtor operativ në Kujtesa.

Kujtesa ofron shërbime të ndryshme të internetit dhe kanale televizive. Këto shërbime ofrohen individualisht apo edhe në pako të ndryshme të krijuara sipas nevojave të klientëve.

Kartela Starcard është produkt unik në Kosovë, i cili ofron blerje të produkteve me këste me 0 për qind interes. Përveç kësaj për çdo blerje përdoruesi i kartelës përfiton së paku 1 për qind bonus i cili mund të përdoret për blerje të tjera me Starcard kudo në Kosovë.