IPKO, hej! Pse po pret?

IPKO ka lansuar të mërkurën platformën e komunikimit dhe argëtimit të plotë për të rinjtë, përkatësisht markën e re – “Hej! Pse po pret?, komunitetin e vetëm i cili i dedikohet të rinjve në mbarë Kosovën.

Tani, një anëtarë i ri i komunitetit Hej! mund të flas me të tjerët në Hej! me 500 minuta, të dërgoj 500 SMS, 500 MMS, apo të shfletojë internetin në mobil me 500 megabajt, për një kosto prej 3€ në muaj, në të cilën përfshihet edhe SIM kartela Hej!.

Ndërsa, gjatë periudhës promocionale, 16 maj – 16 qershor, anëtarët e rinj të komunitetit Hej! do t’i marrin të gjitha benefitet e ofruara nga Hej! për 3 muaj rresht, për gjithsejtë 3 euro.

Anëtarësimi në Hej! për përdoruesit e rinj mund të bëhet në ndonjërin nga 17 dyqanet apo tendat e IPKO-së në qytete, ndërsa përdoruesit ekzistues të shërbimeve mobile të kompanisë mund të hyjnë në komunitet, duke thirrur kodin *888#. “Me Hej!, ne kemi krijuar një platformë të veçantë, e cila ofron komunikim dhe argëtim të plotë për të rinjtë kosovar”, tha Robert Erzin, drejtor ekzekutiv në IPKO.

Përveç mundësisë së komunikimit të plotë, të cilin ata e kanë mes vete, anëtarët e rinj të komunitetit hej! e kanë mundësinë të shprehen në portalin interaktiv Hej!, përmes aplikacioneve mobile, aplikacioneve për Facebook, të ndjekin ngjarjet më interesante kudo në Kosovë, si dhe të luajnë lojëra dhe të fitojnë pikë e shpërblime për shumë aktivitete sociale që ata do t’i kenë mes vete.

Pas prezantimit zyrtar të komunitetit të të rinjëve, hej! do të organizojë një ngjarje ekskluzive për të rinjtë në sheshin Nënë Tereza në Prishtinë, në të cilin, përveç argëtimit, ata do të mund të fitojnë shpërblime, si dhe të mësojnë edhe më shumë për platformën Hej!.

Me programin e ri “IPKO Pika”, IPKO shpërblen të gjithë përdoruesit e saj besnik të shërbimeve mobile me pikë, të cilat më pas mund të shndërrohen në minuta, internet në mobil e dhurata.  

Prishtinë, 24 prill 2012 – Për tu dëshmuar si telefonia mobile e cila kujdeset më së shumti për përdoruesit e saj, IPKO sot ka lansuar programin “IPKO Pika”, i cili i shpërblen të gjithë përdoruesit besnik të telefonisë mobile me minuta, internet në mobil e dhurata.

Përdoruesit me parapagim dhe ata postpaid  të telefonisë mobile IPKO, të cilët përdorin numrat e tyre 049 për më shumë se gjashtë muaj, mund të regjistrohen pa pagesë në programin “IPKO Pika” për të fituar pikë. Për përdoruesit e rinj, pikët e mbledhura mund të shndërrohen në shpërblime pas gjashtë muajve si konsumatorë të IPKO-së.

“Përmes këtij programi, ne synojmë që ta shpërblejmë besnikërinë e konsumatorëve tanë të cilët përdorin shërbimet tona për vite me radhë. Prandaj, sa më gjatë që qëndroni në IPKO, aq më shumë do të shpërbleheni. Përdorimi i shërbimeve të IPKO’së do të vazhdojë të jetë një përvojë shpërblyese” ka thënë Robert Erzin, drejtor ekzekutiv në IPKO.

Regjistrimi në program mund të bëhet duke dërguar SMS me tekst “PIKA” në numrin 123, duke thirrur numrin *777#, Qendrën e Thirrjeve, apo në ndonjërin nga 17 dyqanet e IPKO-së.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë.

Pronari i infrastrukturës tash e tutje nuk mund të refuzojë më lidhjen e marrëveshjes me operatorin tjetër ose nëse marrëveshja është lidhur nuk mund të kërkojë ndryshimin ose përfundimin e saj

Tani, të gjithë ata që kanë llogari aktive në Twittër, do të mund të dërgojnë dhe pranojnë cicërima (tweets), falas, përmes SMS-it, nga telefonia mobile IPKO.

Dërgimi dhe pranimi i cicërimave bëhet krejtësisht thjeshtë, vetëm duhet paraprakisht ta konfiguroni telefonin si dhe të filloni me postimin e cicërimave, përmes SMS-it në numrin 16161.

Konfigurimi i telefonit për Twitter SMS përmes www.twitter.com:

1. Qasuni në llogarinë tuaj Twitter
2. Zgjedhni opcionin Settings – Mobile
3. Zgjedhni shtetin Kosovë, operatorin IPKO
4. Shkruani numrin tuaj dhe klikoni Start

Pasi t’i keni vendos të dhënat, shkruani një SMS me tekstin GO në numrin 16161. Twitter SMS tani duhet ta keni aktive.

Konfigurimi i Twitter SMS përmes telefonit:

1. Dërgoni SMS me tekstin START në numrin 16161
2. Twitter do t’ju kthejë një SMS, cilës duhet t’I përgjigjeni duke shkruar emrin tuaj të përdoruesit (username) në Twittër
3. Pas ksaj, Twitter do të kërkoj nga ju që të dërgoni fjalëkalimin tuaj. Gjatë shkruarjes së fjalëkalimit tuaj, duhet t’i shkruani të gjitha karakteret, shkronjat e mëdhaja, të vogla, numrat, etj.
4. Dërgoni fjalëkalimin dhe nëse e keni shkruar sakt, Twitter do të kërkoj nga ju përmes SMS-it që t’i përgjigjeni me tekstin OK në mënyrë që ta kryeni regjistrimin për Twitter SMS.
5. Tani, Twitter SMS-in e keni aktive.

ipko twitter

Me pakon Profit, tani mund të përfitosh nga minuta dhe SMS kombëtarë që aplikohen kundrejt secilit operator (IPKO/Vala/ZMobile/D3), si dhe të kesh gjatë tërë kohes qasje në internetin në mobil më të shpejtë në Kosovë!

Si përputhet oferta Profit me dinamikën e jetës tuaj!
Oferta Profit është e vetmja ofertë në treg e cila i përshtatet jetës energjike të botës së biznesit. Varësisht prej nevojave tuaja, ju mund të zgjedhni njërën nga 7 pakot e ofruara me Profit ashtu që mënyra se si ju e përdorni telefonin të përputhet plotësisht me ofertën të cilën e keni përzgjedhur! Prandaj, në Profit, çdokush mund ta gjej veten dhe mund ta personalizojë telefonin në mënyrën që përshtatet më së miri.

VALA në vazhdën e përkushtimt maksimal në përmbushjen e nevojave dhe kërkesave të konsumatorëve të saj, ofron zbritje të re për thirrjet drejtuara SHBA-së dhe Kanadasë nga 0.46 euro në 0.28 euro, thirrjet drejt Australisë dhe Zelandës së Re nga 0.92 euro në 0.46 euro si dhe vendeve evropiane nga 0.56 euro në 0.30 euro.

Faza e parë ka përfshirë shtetet tej oqeanike si SHBA, Kanadaja, Australia dhe Zelanda e Re. Kjo zbritje është aplikuar që nga data 18 tetor 2011, ndërkohë që deri në fund të muajit të kaluar është arritur një trafik prej 95,607 minuta. Faza e dytë ka përfshirë tri destincionet kryesore evropiane si Austria, Gjermania dhe Zvicra që nga data 24 dhjetor 2011 dhe deri në fund të muajit të kaluar është arritur një trafik drejt këtyre destinacioneve prej 876,482 minuta. Kjo do të thotë se brenda kësaj periudhe kohore, VALA ka gjeneruar një trafik të përgjithshëm prej 1 milionë minutash në këto destinacione ndërkombëtare.
“Në 12 vjetorin e saj, VALA ka menduar t’u bëjë një dhuratë tepër të këndshme gjithë konsumatorëve që duan të komunikojnë me të afërmit e tyre jashtë kufijve . Kjo do të thotë se thirrjet telefonike me bashkëatdhetarët tanë në Evropë dhe në shtetet tejoqeanike do të kenë zbritje për 50 për qind”, ka deklaruar u.d. i Kryeshefit Ekzekutiv të PTK-së, Nuredin Krasniqi.

Sipas tij, të gjitha thirrjet në këto destinacione do të tarifohen 30 cent për minutë dhe kjo është edhe një premtim tjetër i përmbushur i VALA-s ndaj besnikërisë së konsumatorëve të saj

Ministri i Zhvillimit Ekonomik, Besim Beqaj, tha se ulja e çmimit të thirrjeve nga ana e PTK-së do t’u mundësojë konsumatorëve që të komunikojnë më lehtë me miqtë dhe të afërmit e tyre kudo në botë. “Ky përvjetor i VALA-s bëhet akoma më domethënës me ofertën e saj më të re për zbritjen e thirrjeve prej 50 për qind për këto 12 shtete”, u shpreh ministri Besim Beqaj.

Nga ana e tij, kryetari i Bordit të Drejtorëve të PTK-së, Rexhë Gjonbalaj, tha se shënimi i 12 vjetorit të VALA-s është sukses që i takon të gjithë punëtorëve të kësaj kompanie. “Rezultatet e arritura për këto 12 vite të operimit të VALA-s janë evidente dhe të prekshme jo vetëm nga konsumatorët tanë, por edhe me gjerë, për faktin se nga fitimi i realizuar dhe nga kontributet e operatorit VALA, janë bërë shumë investime kapitale”, theksoi Gjonbalaj.

Kjo zbritje për 50 për qind nuk do jetë përfitimi i vetëm i konsumatorëve të VALA-s, pasi që “Java e Pavarësisë” është një tjetër dhuratë për konsumatorët e VALA-s, sepse gjatë kësaj jave duke filluar nga data 15 deri më 21 shkurt të gjitha thirrjet dhe sms-të brenda rrjetit Vala do të jenë vetëm 3 cent.

Kujtesa Kombinati k Channel

Ky serial që do të shfaqet çdo të diel në K-Channel, ka nisur premieren mbrëmë, ndërsa menjëherë ka pasur edhe reagime pozitive sa i përket lojës së akrtorëve, temës që ata trajtojnë por në veçanti falendërime për kompaninë Kujtesa e cila mblodhi një gamë të çmuar të aktorëve kosovarë për të realizuar një serial vendor dhe shfaqur atë para publikut Kujtesa.
Ky serial, do të ketë disa edicione, ndërsa në edicionin e saj të parë do të ketë 40 episode. Ai është pjesë e produksionit ‘Isstra Creative Factory’, me autor dhe producentë ekzekutiv Shkumbin Istrefi e Mentor Shala i cili është edhe regjisor, me asistencë regjietë Blerta Basholli, njëherësh edhe bashkëskenariste me aktorin Armond Morina.

kujtesa

 Kujtesa Kombinati k Channel

Ndër emrat më të veçuar të ketij seriali, janë Armond Morina, i cili luan në rolin e Shaqës, si zevendesdrejtor i ndërmarrjës, një burrë manipulant, i cili shfrytëzon asetet e firmës për përfitime private.

Yllka Gashi luan në rolin e Shehides, porse bëhet shumë nervoz nëse ndokush e therrët në emër, pasi bukuroshja preferon që ta quajnë Sheki. Ajo është një zyrtare e lartë për fotokopje. Sheki, ka hyrë në punë me mbështetje politike, vjen në punë kur t’i teket dhe nuk i jep llogari askujt. Është thellësisht e preokupuar me dukjen e saj.

Ilir Prapashtica, është shoferi dhe miku i madh i Shaqës. Në rolin e Zeqës, ai luan një tip poltroni i cili ushtron autoritet në ata që i ka përfundi dhe i nënshtrohet atyre që kanë fuqi Kujtesa.

Luan Jaha, luan rolin e Fahriut.  Një portier i Kombinatit, një fshatar i cili e ka lëshuar banesën e tij në Prishtinë me qera dhe jeton në kioskun e portës. Ky e ka një kushëri të fortë politikisht dhe askush nuk guxon t’ia prishë.

Aktorja e madhe Leze Qena, Kujtesa luan në rolin e Dadës. Një pastruese e Kombinatit, dikur (gjatë kohës së ish-Jugosllavisë) grua e fortë. Problemin kryesor e ka me e “rahatu” vajzën e saj Tinën. E menaxhon edhe bifenë e Kombinatit, bashkë me vajzën Kujtesa.

Kujtesa Kombinati k Channel

Valina Muçolli, luan rolin e vajzës së Dadës, pra kjo është Tina një vajzë “darkerkë“ që nuk pajtohet me kriteret e kohës, luftën për ekzistencë, turbofolkun, etj. Ylber Bardhi, është djali i Masarit (komercialistit të dikurshëm të Kombinatit). Ai luan rolin e Fidanit, dhe vjen në Kombinat, si zakonisht, me të njofshëm, por pasi ka përfunduar studimet në Tiranë. Babai i tij Masari, ia “trashëgon“ vendin e punës, pa dëshirën e tij. Meqenëse është i rritur në mentalitet ku prindi vendos për fatin e tij, ai “duhet“ t’i nënshtrohet Kujtesa. Në këtë serial, i cili do të transmetohet çdo të diel, luajnë edhe shumë aktorë tjerë, ndërsa herë pas here do të ketë edhe pruarje të reja.

Kujtesa

Zona më e madhe turistike e vendit, Brezovica, si dhe pjesa më e populluar e kryeqytetit, sheshi Nënë Tereza në Prishtinë, janë lokacionet e para publike të cilat mbulohen me rrjetin pa tela të internetit të shpejtë, të cilin kompania IPKO e ofron falas për përdoruesit e saj.

ipko mobile

“Si ofruesi më i madh i internetit në vend, IPKO e kupton kërkesën në rritje të qytetarëve për përdorim të lehtë të internetit në çdo vend, dhe nga çdo pajisje mobile, ndërsa ne besojmë se me ofrimin pa pagesë të internetit në hapësirat më të frekuentuara publike, ne gjithashtu do të jemi kontribuuesi kryesor që shkalla e përdorimit të internetit në Kosovë të rritet dhe të jetë e ngjashme me shtetet më të zhvilluara evropiane” ka thënë Robert Erzin, drejtor ekzekutiv i kompanisë IPKO.

Përdoruesit të cilët kanë nevojë për internet të shpejtë WiFi, mund të qasen lehtë dhe krejtësisht falas në rrjet, duke thirrur numrin *678# për tu pajisur me llogari të përdoruesit dhe fjalëkalim. Qasja në internet falas mund të bëhet nga telefonat mobil, laptopët, tabletët apo pajisjet e ndryshme elektronike që lidhen me internet.

Pas tejkalimit të periudhës testuese të projektit, IPKO do të vazhdojë të ofrojë internet WiFi falas edhe në qytetet tjera të Kosovës, përfshirë edhe zonat më të mëdha turistike, të cilat do të bëhen edhe më atraktive për vizitorët lokal si dhe turistët e huaj.

Me këtë shtrirje të gjerë me të gjitha shërbimet bashkëkohore të telekomunikimit, kompania IPKO e pozicionon shtetin e Kosovës si vend modern, ku shkalla e lartë e depërtimit dhe përdorimit të internetit mbetet tregues i fuqishëm i zhvillimit shoqëror.

Në krahasim me vitin e kaluar në të njëjtin periudhë gjatë ndërrimit të moteve, trafiku i përgjithshëm i SMS-ve është shtuar për 1 milion SMS, përkatësisht mbi 14 për qind më shumë, derisa edhe impakti financiar ka qenë tejet pozitiv.

Gjithashtu vlen të theksohet se edhe këtë herë, operatori Vala ka qenë 100 për qind e suksesshme, përkundër ngarkesës tejet të madhe dhe ka thyer të gjitha rekordet duke ngritur ndjeshëm grafikonin e dërgimit të SMS-ve, në një anë, por edhe rritjen e të hyrave financiare, nga ana tjetër.

Gjatë kohës me ngarkesën më të madhe, në mes të 31 dhjetorit dhe 1 janarit janë dërguar gjithsej 3,416,716 SMS, që është 600 mijë SMS më shumë krahasuar me të njëjtën natë festive të vitit të kaluar. ”Ky rekord i ri i arritur nga VALA është dëshmia më e mirë që konsumatorët tanë vazhdojnë t’i qëndrojnë besnik PTK-së, përkatësisht produkteve dhe shërbimeve të saj”, ka deklaruar U.D. i Kryeshefit Ekzekutiv të PTK-së, Nuredin Krasniqi.

Sipas tij, edhe gjatë kësaj feste është mundësuar, pa kurrfarë pengese, dërgimi i miliona SMS-ve dhe realizimi i thirrjeve, përmes të cilave konsumatorët tanë, u kanë përcjellë urimet e tyre familjarëve dhe miqve anë e mbanë Kosovës dhe jashtë saj.

Operatori publik mobil VALA, ka lansuar në treg ofertën speciale për festat e fundvitit për t’iu mundësuar mbi 1.2 milionë konsumatorëve të saj që të realizojnë thirrje telefonike dhe të dërgojnë SMS brenda VALA-s me çmim atraktiv për vetëm 3 cent.

Në pakon e parë të thirrjeve të lira për Zvicër përfshihen 500 minuta, ndërsa në pakon e dytë 1000 minuta kohë bisede, drejt tre operatorëve kryesor mobil zviceran, Sunrise, Swisscom dhe Orange.

Fillimisht, kjo pako do të ofrohet vetëm për konsumatorët e telefonisë mobile IPKO në regjionin e Gjilanit, Ferizajit, Prizrenit, Vitisë dhe Dardanës, ndërsa minutat e pakos mund të shfrytëzohen deri më 31 korrik 2012.

“Me këto pako, konsumatorët tanë mund të flasin më lirë dhe më gjatë me të afërmit e tyre në Zvicër, e sidomos gjatë festave të fundvitit kur nevoja për komunikim me familjen është shumë më e madhe sesa zakonisht”, ka thënë Alban Kastrati, drejtues i marrëdhënieve me publikun në IPKO.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë.