Përmes një komunikate të lëshuar nga IPKO, thuhet se gjatë verës së këtij viti, me dhjetëra mijëra konsumatorë besnik të telefonisë mobile IPKO, përkatësisht anëtarë të regjistruar në programin e shpërblimit të konsumatorëve besnik – “IPKO Pika” do të shpërblehen me dyfish pika, të cilat më pas mund t’i kthejnë në dhurata, minuta apo MB për shfletim të internetit në mobil.

Bazuar në kohën e tyre në rrjetin mobil IPKO dhe shpenzimet mujore të telefonit për muajin korrik, anëtarët e programit “IPKO Pika” do të fitojnë dyfishin e pikave më 1 gusht, ndërsa ata të muajit gusht, shpërblimin e tyre me dy herë më shumë pika do ta pranojnë më 1 shtator.

Për më shumë se dy muaj nga lansimi i programit “Pika”, telefonia mobile IPKO ka arritur të shpërndajë më shumë se 2.5 milionë pika, një pjesë të madhe të të cilave konsumatorët i kanë kthyer në minuta, mega-bajt ose USB prej 8GB.

Përdoruesit me parapagim dhe ata postpaid të telefonisë mobile IPKO, të cilët përdorin numrat e tyre 049 për më shumë se gjashtë muaj, mund të regjistrohen pa pagesë në programin “IPKO Pika” për të fituar pikë. Për përdoruesit e rinj, pikët e mbledhura mund të shndërrohen në shpërblime pas gjashtë muajve qëndrim në IPKO.

Regjistrimi në program mund të bëhet duke dërguar SMS me tekst “PIKA” në numrin 123, duke thirrur numrin *777#, Qendrën e Thirrjeve, apo në ndonjërin nga 17 dyqanet e IPKO-së.

Gjatë ditëve në vijim, IPKO do të shtojë edhe dhurata dhe shpërblime të reja për konsumatorët besnik të cilët janë pjesë e programit për shpërblimin e tyre – IPKO Pika.

IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë.

55 Kanale për vetëm 5 euro

E vetëdijshme se kontrata me PTK-në për marrjen me qera të fibrave optik do të përfundojë në mes të qershorit 2012, IPKO ka ndërtuar infrastrukturën e saj me fibra optik në të gjithë vendin, në një afat rekord kohor.

Për më pak se nëntë muaj, IPKO ka arritur të ndërtojë rrjetin e saj bazë të fibrave optik me 400km fibër brenda Kosovës. Ky investim është bërë pas njoftimit të pranuar nga Post-Telekomi i Kosovës (PTK), e cila ka njoftuar se do të ndërpres kontratën për qera-dhënien e fibrave optik, në një pjesë të së cilave IPKO ka qenë e varur.

“Pas pranimit të njoftimit për ndërprerje të kontratës për qera-dhënie të fibrave optik nga ana e PTK-së, ne menjëherë kemi filluar të ndërtojmë kapacitetet tona vetanake për tu pavarësuar në rrjet, dhe për të përfunduar projektin strategjik i cili sot e optimizon rrjetin tonë në tërësi, dhe na mundëson ofrimin e teknologjive dhe shërbimeve të avancuara në tregun tonë, dhe më gjerë”, ka thënë drejtori ekzekutiv i kompanisë IPKO, Robert Erzin, duke sqaruar nevojën për për investimet kapitale të kompanisë në rrjetin e saj optik.

Krahasuar me kapacitetet e vitit të kaluar të marra me qera nga PTK, këtë vit ndërtimi i kapaciteteve do të përfundojë me 96 linja të fibrit optik dhe 600km infrastrukturë, dhe me këtë, IPKO në tërësi do të pavarësohet nga linjat e fibrit optik të marra me qera nga Post Telekomi i Kosovës.

“Bashkë me lidhjet optike me Maqedoninë, rrjeti ynë i fibrit optik do të lidh Kosovën me vendet e rajonit, si Shqipëria dhe Mali i Zi, për të vazhduar lidhjen me infrastrukturën moderne të telekomunikacionit me Evropën, përmes Sllovenisë”, ka vazhduar më tej Erzin.

Përveç faktit se i gjithë rrjeti është ndërtuar me kompani lokale, gjë që ndikon në zhvillimin ekonomik lokal, ky projekt gjithashtu ka rritur investimet kapitale të kompanisë për vitin 2012, dhe kësisoj i ka mundësuar kompanisë IPKO të fokusohet në shërbime multimediale për të plotësuar kërkesën në rritje për kapacitetet e mëdha të internetit me brez të gjerë.

Bashkë me krijimin e lidhjeve të reja të telekomunikimit me shtetet fqinje dhe ato evropiane, ndërtimi i kapaciteteve të reja të infrastrukturës moderne të fibrave optike nga IPKO gjithashtu nënkupton zhvillimin e tregut kosovar me kapacitete të reja teknologjike, të cilat mundësojnë ofrimin e shërbimeve të avancuara për qytetarët, institucionet dhe bizneset në Kosovë.

Prishtinë, 3 korrik 2012 – Migrimet e fundit të rrjetit fiks në platformën DOCSIS 3.0 u mundësojnë përdoruesve të internetit nga IPKO të kenë internetin më të shpejtë dhe më stabil, në shtëpitë ose zyrat e tyre.

Me platformën e re në të cilën janë investuar më shumë se 3 milionë euro, tërë rrjeti fiks (interneti, televizioni digjital dhe telefonia fikse) i kompanisë IPKO është në DOCSIS 3.0, avancim teknologjik i cili do të sigurojë internet të shpejtë dhe shërbim të qëndrueshëm gjatë tërë ditës, pavarësisht periudhës ditore ose konsumit të trafikut të rrjetit.

“Si ofruesi më i madh i internetit në vend, ne gjithmonë jemi të përkushtuar të investojmë në teknologji të reja dhe të bashkëpunojmë me kompania të mëdha botërore për të ofruar internet edhe më të shpejtë, si dhe përvojë edhe më të mirë konsumatore” ka thënë Robert Erzin, drejtor ekzekutiv i kompanisë IPKO.

Me kalimin e suksesshëm në DOCSIS 3.0, të gjithë përdoruesit e internetit nga IPKO do të kenë qasje shumë më të lehtë dhe direkte në rrjet, pa pasur nevojë të shkruajnë llogarinë e përdoruesit ose fjalëkalimin e tyre për ta përdorur internetin.

“Me migrimin në DOCSIS 3.0, IPKO është shndërruar në lider të rajonit për internet të shpejtë dhe shërbim të qëndrueshëm, ndërsa ka ndërtuar rrjetin i cili tani mund të krahasohet me vendet e zhvilluara të cilat kanë rrjet të avancuar dhe shkallë të lartë të depërtimit të internetit, siç janë Mbretëria e Bashkuar, Gjermania, Franca apo Sllovenia” ka shtuar më tej Erzin.

Si ofruesi i parë i internetit në vend, IPKO mban më shumë se 51 për qind të tregut të internetit në Kosovë, ndërsa shërbimi tani ofrohet në të gjitha qytetet e Kosovës, ku kompania IPKO ka ndërtuar mbi 240 mijë porte që mundësojnë kyçjen e po këtij numri të familjeve kosovare në shërbimet e internetit, telefonisë fikse dhe të televizionit digjital.

Me këtë shtrirje të gjerë me të gjitha shërbimet bashkëkohore të telekomunikimit, kompania IPKO e pozicionon shtetin e Kosovës si vend modern, ku shkalla e lartë e depërtimit dhe përdorimit të internetit mbetet tregues i fuqishëm social.

Të gjithë konsumatorët e rinj të cilët duan t’i bashkëngjiten telefonisë mobile IPKO mund të blejnë numër të ri 049 për vetëm 3 euro me 3 euro mbushje për komunikim për brenda dhe jashtë rrjetit, ndërsa bashkë me numrin e ri ata mund të zgjedhin 1000 minuta brenda rrjetit, ose SMS, ose megabajt, 200 prej të cilave i marrin çdo muaj, për pesë muaj rresht.
“Duke marrë parasysh faktin se konsumatorët tanë të ri mund t’i pranojnë benefitet nga programi IPKO Pika vetëm pas gjashtë muajsh në rrjet, ne duam t’i mirëpresim ata në rrethin tonë duke i shpërblyer me minuta falas, ose SMS ose MB, varësisht prej zgjedhjes së tyre. Në anën tjetër, ne kemi liruar edhe çmimin për sim-kartelë dhe kemi shtuar vlerën e mbushjes që vjen me çdo numër të ri”, tha Alban Kastrati, drejtues i marrëdhënieve me publikun në IPKO.

Për ta pranuar bonusin me minuta, SMS apo megabajt, përdoruesit duhet ta ri-mbushin llogarinë e tyre të telefonit me së paku një euro mbushje në muaj. Nëse minutat, SMS-të ose megabajtët nuk shpenzohen, atëherë ato do të barten në muajin e ardhshëm.

Promocioni mund të aktivizohet vetëm në dyqanet zyrtare të IPKO-së si dhe distributorët e autorizuar të kompanisë. IPKO njihet si operatori i parë mobil, sa i përket çmimeve të volitshme, kualitetit të shërbimeve, stabilitetit dhe mbulueshmërisë së rrjetit të telefonisë mobile në Kosovë.

Ata që vjet në momentet e fundit hoqën dorë nga privatizimi i Postës dhe Telekomit të Kosovës, sivjet po shihen si pretendentët kryesorë për ta blerë këtë ndërmarrje.

Telekomi gjerman, që pati konkurruar me kompaninë e vet kroate, Hrvatski Telekom, për të privatizuar 75 për qind të PTK-së, po shihet si favorit edhe nga konkurrentët e tjerë të kësaj fushe.

Përveç kësaj, konkurrentët e vjetër po i japin përparësi. Bazuar në një raport të gazetës austriake, “Wirtschaftsblatt”, Telekom Austria nuk do të marrë pjesë më në këtë garë. “Ne nuk jemi të interesuar më”, ka thënë një zëdhënës i kësaj ndërmarrjeje.

Megjithëse, Telekomi gjerman deri më tash nuk e ka komentuar interesimin për këtë blerje, mediat në këtë vend raportojnë se edhe shuma me të cilën do të konkurrojë për blerjen e 75 për qind të aksioneve nuk do të tejkalojë shifrën 200 milionë euro.

Sipas burimeve brenda Qeverisë së Kosovës kjo shumë është e ulët në krahasim me pritjet e përfitimeve nga shitja e PTK-së, shkruan Express.